Muqdisho(WNT)-Madax weynaha dawlada FS  Shariif Sheekh Axmed ayaa safiir cusub u magacaabay dalka Maraykanka,iyadoo xilka laga qaaday safiirikii hore ee Soomaaliya u joogay Isla dalkaasi maraykanka.

Waxaa loo magacaabay safiirka cusub ee Soomaaliya u fadhiyada dalka Maraykanka Abuukar Caddoow Carman,oo ah nin degan dalka Maraykanka muddo dheerna halkaasi ku noolaa.

Shariif Sheekh Axmed ayaa sheegay inuu talaabada magacaabida qaaday ka dib markii latashiyo la sameeyey raga isaga la taliya ka dibna uu magacaabay Carmaan.

Horay ayaa Soomaaliya safiirka dalka Maraykanka waxaa uga ahaa Cilmi Ducaale oo isna hayey labada jaga ee kala safiirka Soomaaliya u jooga Maraykanka iyo weliba Qaramada Midoobay.

Cilmi Ducaale oo horay uu u magacaabay M/weynihii hore C/llaahi Yuusuf Axmed ayaa xil ka qaadistiisu timid xilli dawlada Sheekh Shariif Madaxda ka yahay ay ka taliso oo qur laba degmo ka tirsan magaalada Muqdisho waqtigii yaraa ee la doortayna uu gabaabsi sii yahay.

Waxaa iyana xusudi mudan Dhowaan dawlada Magac ahaata u jirta ee Sheekh shariif ay shaacisay inay albaabada u laabayso ilaa 8 safaaradood dunida ku yaala iyagoo taasi ku macneeyey ka dib markii ay dabooli waayeen kharashkooda iyo weliba kolkii si fiican ay u hawl geli waayeen shaqsiyaadka halkaasi  madaxda ka ahaa.

Xafiiska wararka Muqdisho