Muqdisho(WNT)-Waxaa saakay degmada Dharkeynley ee magaalada Muqdisho lagu dilay masuul ka tirsanaa wasaarrada warfaafinta Soomaaliya oo lagu magacaabi jiray Yuusuf Cali Cismaan (Yusuf Farey).

Dilka marxuumka ayaa sida la sheegay waxaa gaystay laba nin oo baastoolado ku hubaysan,waxaana la sheegay inay halkaasi ay ka carareen markii ay dilka gaysteen.

Degmada dharkeynley ee gobolka banaadir ayaa hadda hormuud u ah dhinaca dilalka qorshaysan,waxana lagu dilay aad tiro badan oo ugu danbeeyey Yusuf Farey.

Ma jiro wax hadal ah oo dawladu ka soo saartay dalka marxuumka,waxana iyana jirin koox sheegtay dilkiisa,waxaase la tuhunsan yahay inay danbeeyaan kooxda Al-shabaab.

Xafiiska wararka Waayaha.net