Baydhabo(WNT)-Wararka naga soo gaaraya magaalada Baydhabo ee xarunta gobalka Bay ayaa waxay sheegayaan saldhigyadii ciidamada Ethiopia ay halkaasi kaga suganaayeen lagu wareejiyay ciidamada AMISOM.

Wararkan ayaa intaasi ku daraya in ciidamada AMISOM oo maalmahaanba halkaasi ku sii qul qulayeen  in ay haatan inta badanba ay la wareegeen sal dhigyadii ay ku sugnaayeen ciidamada Ethiopia.

In kastoo aan  si dhab ah loo ogeyn  tirada ciidamadda AMISOM ee hadda ku sugan Magaalada Baydhabo ayaa warar hor dhac oo soo baxayaa waxay sheegayaan hadda joogaan ilaa kun askari,iyadoo weliba lagu wado in tirada intaasi laga badiyo oo la gaarsiiyo 2500 oo askari oo ka socda Uganda iyo Burundi.  

Sal dhigyada hadda  AMISOM ay  la wareegtay ayaa waxaa ka mid ah  Warshaddii Abukaate Xasey ee Magaalada Baydhabo,oo ciidamada Ethiopianku xarun ka samaysmeen kolkii halkaasi shabaab laga saaray.

Warar hadda soo baxayana waxay sheegayaan in magaalada Baydhabo ay isaga baxeen ciidamadii Ethiopia ee halkaasi ku sugnaa,lamana sheegin halka ay jaaha saareen.

Xafiiska wararka Waayaha.net