Buuhoodle(WNT)-Wararka imaanaya degmada Buuhoodle ee gobolka Togdheer ayaa sheegaya in halkaasi uu dagaal ku dhex maray laba malayshiyo beeleed,waxaana wararku intaasi ku darayaan in dagaalkan oo ahaa mid xooggan uu gaystay khasaarooyin isugu jira dhimasho iyo dhaawac.

Warar hor dhac ah oo dagaaladaasi ka soo baxxaya ayaa sheegaya inta la ogyahay 7-ruux ay dagaalkaasi ku geeriyoodeen tiro intaasi ka badanna ay ku dhaawacmeen ka ddib markii uu dhacay dagaal u dhaxeyay Labo beelood oo wada dega deegaanno hoostaga Buuhoodle.

Dagaalka ayaa la sheegay in uu bilowday ka ddib markii mid ka mid ah beelaha dega halkaasi uu weerar aargudasho ah  ku qaaday Maleeshiyaad kale oo horay xurguf dagal uga dhexeysay

Degaankan ayaa iminka laga dareeyaa saan saan colaadeed waxaana jira  hub urursi ay wadaan iyo dhaq dhaqaaqyo ay wadaan dhinacyadii dagaalamay,iyadoo hadda aysan jirin cid dhex gashay.

 Wixii ka soo kordha kala soco Waayaha.net