Waayaha.net
Maxmmad Maxamad Morsi Ciise Al-cayaadh, oo ku caan baxay Maxamad Morsi, wuxuu ku dhashay tuulada Cudah oo ka tirsan gobolka bari ee dalkaas bishii Augustlabaatankeedii sanadii 1951kii, hal sano ka hor kacaankii riday boqortooyadii dalkaas ka talin jirtay.
Wax-barashadiisa ilaa dugsi sare wuxuuku soo dhamaystay gobolka Bari ee Delta, wuxuuna wax-barshada jaamacadeed u yimid magaalada Qaahira, halkaasoo uu ku galay kuliyadda cabiraadda (Engineering) sanadku markuu ahaa 1970kii, shan sano ka dibna wuxuu ka qaatay shahaadada Bachelor of Engineering (Honors).
Morsi 1975kii-1976kii wuxuu gutay military service, isagoo markaas ku shaqeeyay askeri ka mid ah ciidammada qalabka sida ee dalka Masar, kana tirsan ciidanka lugta ururkiisa labaad ee ku dagaalama hubka kiimikada ah, markii uu u dhammaday sanadkaas shaqada qaran ahaana wuxuu dib ugu laabtay oo shaqaale ka noqday jaamacaddii uu ka soo baxay, taasoo uu markii dambana uga dhoofay dalka Maraykanka oo uu wax-barasho jaamacadeed ka helay koonfurta gobolka California, oo uu ku qaatay shahaadooyinkiisa Master-ka iyo PHD, isagoo takhasus ku sameeyay matoorka dayax-gacameeddada (Space Ship Engines).
Wuxuu sanadihii 1982kii iyo 1985kii ku soo shaqeeyay macalim kaaliye iyo kaaliye professor oo uu ka noqday kuliyadii uu ka baxay ee gobolka California, 1985kii ilaa laga gaaray 2010kii wuxuu professor iyo madaxa qaybta engineering ka ahaa jaamacadda al-zafaariiq.
Marka laga hadalayo dhaqdhaqaaqisa xagga siyaasadda, wuxuu dhalin-yaranimadiisii ka mid noqday koox lagu magacaabi jiray Golaha Iska-Celinta Sahyuuniyadda oo ka dhisnaa gobolka Bari ee Masar, waxaana loo doortay xubin golaha xizbiyada aduunka iyo xoogagga siyaasadda, isagoo waliba ka mid ah aasaasayaashii golaha isk-celinta mashaariicda Sahyuuniyadda ee dalka Masar.
Morsi ayaa ku faana inuu ku biiray ururka Al-ikhaanul-Muslimiin sanadku markuu ahaa 1977kii,, wuxuuna si dhamaystiran uga mid ahaa ilaa 1979kii, wuxuuna xubin ka ahaa qaybta siyaasadda ee ururkaas intii la aasaasay 1992ki, wuxuuna markii dambe xubin ka noqday xafiska hogaaminta ee ururkaas, dabadeedna wuxuu ka mid noqday koox ka tirsan ururkaas oo barlamanka galay sanadkii 2000 ilaa laga soo gaaray 2005tii.
Maxmad Morsi ayaa doorashada kaga guulaystay ra'iisal wazaarihii u dambeeyay ee dowladdi Xusni Mubaarak, sida uu ku waramay gudoomiyihii guddiga doorashada dalka Masar Qareen Faaruuq Suldhaan, madax-weynaha cusub Maxamad Morsi ayaa ku guulaystay51.73% oo ka adkaaday ninkii la tartamayay Axmed SHafiiq oo isagu helay 48.27% codokii ay dadku bixiyeen, Suldhaan ayaa sheegay in dadka codeeyay ay guud ahaan gaarayeen ilaa 50milion, 958kun iyo 794 cod bixiyaal.
Sida uu sheegay Guddoomiyaha guddiga doorashada, madax-weyne Morsi ayaa helay codod gaaray 13milion 230kun131 cod, halka uu Shafiiq ka helay 12milion, 347kun iyo 380 cod, madax-weyne Morsi ayaa markii lagu dhawaaqy inuu ku guulaystay doorashada waxaa isla markiiba u hambalyeeyay General Xuseen DHandhaawi madaxa golaha ciidammada ee xilka madaxtooyada sida ku-meel gaarka ah u hayay, iyo Axmed SHafiiq oo ahaa ninkii doorashada uu uga adkaaday madax-weynaha cusub Maxmad Morsi.
