Afmadow(WNT)- Saraakiisha ciidamada Dowladda FKMG ah ee Soomaaliya ee ku sugan degmada Afmadow ee gobolka Jubada dhexe ayaa eed kulul dusha uga tuuray ururka Al-Shabaab oo sheegeen inay is hor taageen  raashinkii iyo alaabooyinkii kale ee ganasiga u iman jiray degmada Afmadow ee gobolka Jubbada dhexe.

Masuuliyiintan ciidamada Dowladda intaasi ku daray in Al-Shabaab ay raashinkaasi is hor taageen taasina ay daliil uga dhigeen halkaasi ay hadda joogaan waxay ku tilmaameen cadowga Illaahay oo ay ula jeedaan ciidamada dawlada iyo kuwa Kenya.

Guddoomiyaha degmada Afmadow ee dhinaca dowlada ee dhowaan la magacaabay oo warbaahinta la hadlayey ayaa sheegay in halkaasi in muddo ahba la soo gaarsiin badeecadihii halkaasi ganacsiga u iman jiray,dadkana ay nolol xumo soo food saartay.

 Dhinaca kale guddoomiyaha degmada Afmadow ayaa dadka qalbiga ugu qaboojiyey sida ugu dhaqso badan arrintan looga bixi doono ciidamada dawladuna ay gaari doonaan magaalada dekadda ah ee Kismaayo.

Degmada Afmadow oo iyadu ku taal xuduuda Kenya iyo Soomaaliya ayaa waxaa ka socday ganacsi aad u xooggan,waxaana dhaqaale fiican ka soo geli jiray xarakadda Al-shabaab,iyadoo taasi badalkeeda markii laga qabsaday ay hor istaageen in halkaasi wax badeecada la soo gaarsiiyo.

Xafiiska wararka Waayaha.net