Afhayeenkii hore ee ururka Al-Shabaab Sheekh Mukhtaar Roobow Cali (Abuu Masuur) oo dhowaan maraykanku ku soo daray  magiciisa rag maraykanku raadinayo ayaa sheegay in isagu uu diyaar u yahay in Dowladda Mareykanka uu u sheego halka uu kaga sugan yahay Soomaaliya,isagoo weliba intaasi raciyey inuu ku sugan yahay degmada Buur Hakaba ee gobolka Baay.

“Waxaan ku suganahay masjidka magaalada Buurhakaba Jimcihii hore waxaan ku sugnaay Tiyeeglow waana Allaah mahadii meel waliba oo aan rabo ayaan lug ku maraa” ayuu yiri Sheekh Mukhtaar Roobow Cali Abuu mansuur.

Abuu Mansuur ayaa hadalkaan ka sheegay mar khodbad ka jeedinayey masjid ku yaal degaan uu sheegay inuu ku sugan yahay ee gobolka Baay,waxana si isku kal sooni ah u sheegay in dowlada Maraykanku aysan isku shidayn raadintiisa,waxaana uu intaasi ku daray xataa uu sheego halka uu joogo inaysan waxba ka ka guray dawlada Maraynku waa sida uu hadalka u dhiaye.

“Mareykan iyo xulafadiisa waxba nagama qaadayaan, waxna kama qaadi karaan Mujaahidiinta meel walba oo ay joogaa kuwa Afghanistaan jooga, kuwa Soomaaliya iyo kuwo kaleba anigana waxaan diyaar u ah inaan isu sheego halka aan ka joogo Soomaaliya, agteena dafiic ayey ka yihiin gaalada Allaah ayaana ka magan galnay inaanan arrkin gaal iyo shartiisa,” ayuu yiri mar kale  Abuu Masuur.

Sarkaalkan ka tirsan uururka Al-shabaab ayaa dhinaca kale hanjabaad u jeediyey dowladda Mareykanka iyo xulafadooda isagoo ku faanay in mujaahidintu joogaan meel kasta oo dunida ka mid ah.

Sheekh Mukhtaar Roobow Cali Abuu Masuur waxa uu ka mid yahay 7 sarkaal oo Dowladda Mareykanka ay madaxooda lacago dul dhigtay cidii soo sheegta , waana sarkaalkii ugu horeeyey oo ka tisan Al-Shabaab oo hadalkan ka soo yeero.

Abuu Mansuur ayaa ah shaqsi ka nooc duwan xarakada Al-shabaab intooda kale,waxaanaweeye nin aysan dad weynaha caadiga ah aad u kala fogayn tigeliyana odayaasha dhaqanka,waxana tani keentay inay kala fogaadaan oo xurgufi dhex marto madaxda sar sare ee ururka Al-shabaab.

Xafiiska wararka Waayaha.net