Nairobi,(WNT):-Madaxda Saxiixayaasha Heshiiska Road Map-ka ayaa Maanta mar kale kulan uga socanayaa xarunta QM ee Magaalada Nairobi.

Shirkaan ayaa ah mid lagu sii amba qaadayo ka hadalka qodobo dhowr ah oo shalay madaxda shirka ka qeyb galaysa isku mari waayeen.

Qaar ka mid ah qodobo ku qoran dastuurka iyo waliba qaabka soo xulida ergooyinka ayaa ah ah qodobada ugu weyn oo la isku mari la'yahay/

Mas'uuliyiin ka tirsan xubnaha shirka ka qeyb galaya ayaa inoo shegay in saraakiil ka socota besha caalamka haatan ku howlan yihiin sidii isku soo dhawaansho u dhex mari lahaa madaxda shirka ka qeyb galaysa.

"xubno beesha caalamka ka socda ayaa saaka shirka ka qeyb galaya si madaxda la isugu soo dhaweeyo go'aamada fog oo ay ka taagan yihiin qaar ka mid ah qodobada la isku mari la'yahay"ayuu yiri Sarkaalkaan oo magaciisa ka gaabsaday.

Shirka oo la filayay in maanta la soo gaba gabeeyo ayaa dib loo dhigay ilaa maalinta bari ah.

Qeybo ka mid ah Warbaahinta Soomaalida ayaa saaka tagay xarunta shirku ka socanayo si gaba gabada halkaasi uga soo tabiyaan balse loo sheegay in ilaa maalinta bari ah dib loo dhigay.

Wixii Warar ah ee ku soo kordha kala soco www.waayaha.net

Xafiiska Wararka Waayaha.net,Nairobi-Kenya.