Cairo(WNT)-Warar horay u soo baxay oo sheegayey in madaxweynihii hore dalka Marsar Max’ed Xusni Mubaarak caafimaadkiisu aad u liito ayaa hadda la sheegay inay isugu soo biyo shubteen wax aan waxba ka jirin,ayna ahayd arrin laga shaqeeyey.

Mubaarak oo dhawaan maxkamadi ku xukuntay noloshiisa inta ka hartay lana geeyey xabsi weyn, oo ku yaal dalkaasi Masar ayaa la sheegay horay loo shaaciyey in hal mar ay ku dheceen wadnaha oo joogsaday iyo weliba isaga oo dhinac qalalay,waxaana arintaasi keentay in xabsigii laga soo saaray lana keenay isbitaal weyn oo caafimaadkiisa lagu baaro,iyadoo weliba wararkii ugu horeeyey ay sheegeen inuu nolol ahaan geeriyooday tabar badana aysan ku harin,laakiin neefta uu siinayo qalab lagu xiray ( live support machine).

Waxaa jira warar hadda soo baxaya oo qorreen wakaalladaha wararku oo sheegaya in Mubaarak caafimaadkiisu wanaagsan yahay, laakiin arintaan ujeedo loo sameeyey qorshaha ka danbeeyaana uu ahaa sidii xabsiga looga soo saari lahaa loona gayn lahaa meel nolol fiican, oo nadiif ah laguna xanaaneeyo.

Afadda uu qabo Mubaarak oo lagu magacaabo Suzanne Mubaarak oo hooyadeed ahayd Welsh haysatana dhalashada dalka boqortooyada Ingiriiska ayaa horay warbaahinta ugu sheegtay in odaygeedu aad u liito,xanuuno fara badana ay ku dhaceen.

Si kastaba ha haatee waxaa cakiran oo meel xun maraya siyaasadda dalka Masar oo qarka u saaraan in mar kale uu ka dhaco inqilaab milatari oo laga hor tegayo guulaha doorashada ay ka keeneen ururka Ikhwaanul Muslimiin.

Xafiiska wararka Waayaha.net