Nairobi,(WNT):-Madaxweynaha dowlada KMG ah Shariif Sheekh Axmed iyo Wafdi uu Hogaminayo ayaa xalay ka dagan Magaalada Nairobi ee caasimada dalka Kenya.

Sheekh Shariif iyo Wafdigiisa waxaa halkaasi si weyn ugu soo dhaweeyay mas'uuliyiin ka tirsan dowlada KMG ah iyo Safaarada Soomaaliya ee dalka Kenya.

Wafdiga Shariifka ayaa la filayaa in Maanta kulamo kala duwan la qaato saraakiil ka socota beesha caalamka ee ku sugan Magaalada Nairobi.

Sheekh Shariif ayaa ka soo amba baxay dalka Ugandha oo uu kaga qeyb gashay shir Madaxeedkii Ururka Midowga Afrika ee halkaasi lagu soo gaba gabeeyay.

Waxaana shirkaasi dowladiisa ay ka heshay balan qaadyo aan la ogeyn sida ay ku dhaqan gali soonaan.

Si kastaba Wafdiga Madaxweynaha ayaa laga filayaa in maalmaha ama saacadaha soo socda gaaraan Magaalada Muqdisho ee caasimada dalka Soomaaliya.

Xafiiska Wararka Waayaha.net,Nairobi-Kenya.