Kambala,(WNT);-Warar hordhac ah oo soo baxaya ayaa sheegaya in khilaaf xoogan uu ka dhashay dhaqaalaha la siinayo ciidamada AMISOM ee ku sugan magaalada Muqdisho.

Khilaafkaan ayaa yimid kadib kulan dhaqaalaha ciidamada AMISOM looga hadlayo Magaalada kambala ku qaateen Madaxweynaha Ugandha Yuweri Musafani, Madaxweynaha Tanzania Jakaya Kikwete,Ra'isul Wasaaraha Ethiopia Melez Zanawi iyo Kaaliyaha xoghayaha arimaha dibada Mareykanka ee Geeska Afrika Mr Johnnie Carson kaasi oo looga hadlayay dhaqaalaha cidiamada.

Wararka soo baxay ayaa sheegaya in Madaxweyne Musafani iyo Johnnie Carson isku fahmi waayeen cadada ciidamada la siinayo dhaqaale ahaan iyo qaabka loo siin doono.

Johnnie Carson ayaa laga soo xigtay in aan la gaarin waqtigii dhaqaale buuran la siin lahaa ciidamada AMISOM.

Waxaana taasi la keenay in si weyn uga careysiiyay Madaxweynaha Ugandha Yuweri Musafani isla markaana la soo wariyay in shirkii isaga tagay.

Si kastaba dowlada Mareykanka ayaa bixisa dhaqaalaha ugu badan ee la siiyo ciidamada Afrikaanka ee soomaaliya ku jooga Magaca Nabad ilaalinta isla markaana taageero siiya dowlada KMG ah.

Xafiiska Wararka Waayaha.net,Kambala-Ugandha.