Muqdisho,(WNT):_Ciidamo ka tirsan dowlada KMG ah ayaa xalay qaraxyo xoogan lagula beegsaday qeybo ka mid ah degmada Wadajir ee Gobolka banaadir.

Qaraxyada ayaa ahaa Bam gacmeedyo lala beegsaday goob ciidamada dowlada ku sugnaayeen.

Gudoomiye ku xigeenka degmada Wadajir Xuseen Bootaan ayaa sheegay in aanay jirin khasaare qaraxyadaasi ka soo gaaray ciidamada dowlada.

Balse wararka qaar ayaa sheegaya in ay jiraan khasaare soo kala gaaray ciidamada iyo dad rayid ah.

Ciidamo dowlada ka tirsan ayaa saaka baaritaano ka wada goobihii xalay qaraxyadu ka dhaceen.

Lamana oga dhab ahaan waxyaabaha ay ku soo qab qabteen ciidamada dowlada howlgalada ay sameynayaan.

Xafiiska Wararka Waayaha.net,Muqdisho.