Muqdisho,(WNT):-Dagaalo xoogan iyo duqeymo sababtay dhimashada dad rayid ah ayaa galabta dib uga qarxay degmada Hodon ee Gobolka banaadir.

Dagaalka ayaa ka qarxay Saldhiga degmada Hodon iyo waliba fagaaraha tarabuunka oo fariisin u ah ciidamo ka tirsan dowlada KMG ah.

Madaafiic cul culus ayaa laga maqlayay goobaha labada dhinac ku dagaalamayeen.

Inta la xaqiijiyay 3-ruux ayaa ku geeriyootay madfac ku dhacay xaafad ka mid ah degmada Howl-wadaag halka 4-kalena ay ku dhaawacmeen.

Saraakiisha gaadiidka gurmadka deg dega ah ayaa saxaafada u sheegay in wali soo baxayaan cabasho ka yoo yeeraya dadka ku dhaqan goobo ka baxsan halka dagaalku ka dhacayay oo Madaafiicdu ugu tagtay.

Dad badan oo suuqa Maanta ka ganacsanayay isla markaana doonayay in galabta ka rawaxaan ayaa caawa halkaasi ku cayiran kadib markii dagaalku ka dul dhacay.

Xafiiska Wararka Waayaha.net,Muqdisho.